mzee-jomo-kenyatta-nipate genchina tumblr_inline_mta8tcZiH71qjlvoh
Wakaratha ngûkûratha na nyama ciaku îkûheo Njaû ûrîa wateire mûka.
Ngûcoka ngûhûrithie ihiga ta nguo cikîhurûo nî njûka.
Ndigiri cia Warubaga ti njirû ta cia Rîmuru.
No mîrigo cikuaga oroûmwe cia mwega na mûru.
Ûkîjûî ndî mbia ta mbîa ya kanitha îhong’okete îkagûa casino.
Îgaikia mîthirimo mbere ta taratari cia kariko.
Mwomboko ti witû thikû tûrî.
Nyîmbo maraina ta kîmero maranengererio bure.
Gûkû nîkuo ûkwenda gûikara?
Ndûreke ngûhûre kibiriti ûcure ta ikara?
Thuthaini nîmegûgwakîra mwîcûhio.
Merage ciana cia ciana ciaku ûrîa warî mûhiû.
Kîguoya kîanûkîire nyina.
Norîû we tiga ngui îno yaku ndûrî kîna.
Ndikuona ukîhonoka haha.
Thoguo athie kûrûa, nyûkwa ombirwo nî ngati.
Narîu megwîtharîkîire nginya ni matarûra cati.
Marakwîra ûritîte ta gîthana.
Na mareciria nî guoya nîkîo ûrathithina.
Irimû nîo tondû matirona kîrîa ubangîte.
Gîkuû gîaku gîgûciara mbara ona ûtanungîte.
Warî gîko matanakunîka maniûrû maku na bamba.
Narîu wariûka ûrî njamba.

Advertisements